د بلخ ولایت د وسپنې پټلۍ ریاست مسوولان په وروستي ۱۴۰۱ کال کې د دې ریاست د عوایدو له زیاتوالي خبر ورکوی.
د دوی په وینا، د دې ادارې عواید د تېر کال پرتله ۳۳ سلنه زیات شوي دي.
د بلخ وسپنې پټلۍ ادارې رییس محمد شفیق محمود وايي: «د ۱۴۰۰ کال پرتله په ۱۴۰۱ کال کې موږ ۳۳ سلنه اضافه عواید لرو.»
په همدې حال کې د بلخ د سوداګري او پانګونې خونې مسوولان، د وسپنې پټلۍ د نورو نقلیه وسایطو پرتله د صادراتو او وارداتو په برخه کې خورا مهمه بولي.
د بلخ د سوداګرۍ او پانګونې خونې اجرایه امر احمد شکیب اکبري وايي: «د سوداګرو د توکو په لېږد کې د وسپنې پټلۍ اغېزناکه تمامه شوې او د خوندیتوب له اړخه هم ښه ده.»
له دې سره سم، یو شمېر سوداګر باید د هېواد ولایتونو د وسپنې پټلۍ له لارې ونښلول شي او تر څنګ یې دا د افغانستان د ټرانزیټ لپاره ګټور تمامېږي.
سوداګر قنلدر رحیمي زیاتوي: «که د وسپنې پټلۍ دغه کرښې کابل له کندهار او هرات سره ونښلوي، هم د مسافرو په تګ-راتګ او د سوداګریزو توکو په لېږد کې غوره تمامېږي.»
سوداګر امید حیدري وايي: «د وسپنې پټلۍ د جوړولو په برخه کې چې هر ډول ګام پورته کېږي او ټرانزیټي لارې جوړېږي، موږ د هغه موخې ته چې وایوو افغانستان د اسیا زړه او د اسیا د ټرانزیټ مرکز دی، رسوي.»
د بلخ وسپنې پټلۍ ریاست د شمېرو له مخې، په وروستي یوه کال کې د ازبکستان او افغانستان تر منځ د اوسپنې پټلۍ له لارې دوه مېلیونه او شپږ سوه زره ټنه بېلابېل توکي هېواد ته را وارد شوي او ۷۷۰۰ ټنه کورني توکي بهرنیو هېوادونو ته صادر شوي دي.
په دې اړه مو اندونه