د افغانستان د کرېکټ ملي لوبډلې په هند کې د ۲۰۲۳ کال د ۵۰ اوریزو سیالیو په نړۍوال جام کې خپله درېیمه تاریخي بریا د سریلانکا پر وړاندې ثبت کړه.
دغه لوبه نن دوشنبې (د لړم په ۸مه) د هند په «پونه» ښار کې ترسره شوه.
د لوبې پچه د هېواد لوبډلمشر حشمتالله شهیدي وګټله او لومړی یې د توپاچونې پرېکړه یې وکړه.
د سریلانکا لوبغاړو په ۴۹٫۳ اورونو کې د خپلو ټولو لوبغاړو له سوځېدو سره افغانستان ته د ۲۴۲ منډو هدف وټاکه چې افغان لوبغاړو ورکړل شوی هدف یې د درې لوبغاړو په سوځېدو سره په ۴۵٫۲ اورونو کې پوره کړ.
د توپ اچونې په برخه کې فضلالحق فاروقي ښه وځلېد او د سیالۍ لوبډلې ۴ لوبغاړي یې له ډګره بهر کړل او همدارنګه مجیب الرحمن ځدراڼ هم د سیالې لوبډلې دوه ویکټې وغورځولې.
د توپوهنې په برخه کې رحمت شاه زرمتی او عظمت عمرزی ښه وځلېدل او تر نورو یې ډېرې منډې جوړې کړې.
دا په هند کې د ۲۰۲۳ کال د کرېکټ د ۵۰ اوریزو سیالیو په نړۍوال جام کې د افغانستان شپږمه لوبه وه او په دغو لوبو کې یې درې بریاوې او درې ناکامۍ په برخه وې.
د کرېکټ ۵۰ اوریزو سیالیو نړۍوال جام د هند په کوربتوب د لسو هېوادونو ترمنځ د روان کال د اکټوبر له پنځمې پېل شوې دي.
په دې اړه مو اندونه