د تخار سیمه ییز مسوولین بهارک ولسوالۍ کې د دغه ولایت د امنیه قومندانۍ د امنیت امر، رازمحمد دوراندیش له وژل کېدو خبر ورکوي.
دغه چارواکي زیاتوي چې نوموړی تېره شپه (سې شنبې د تلې په ۲۹مه نېټه) له طالبانو سره سخته نښته کې له خپلو څو ساتونکو سره ژوند بایللی دی.
د تخار د والي ویاند څرګندوي چې نښته کې طالبانو ته هم درنه مرګ ژوبله اوښتې، خو کره شمېر یې نه دی څرګند.
له بلې خوا روغتیايي مسوولین بیا روغتون ته د لسو امنیتي سرتېرو له لېږدولو وايي.
طالبانو په دې تړاو تر اوسه څه نه دي ویلي.