وروستي خبرونه
تصویر بندانگشتی

قزاقستان له افغانستان سره د څه باندې ۴ زره ټنو اوړو مرسته وکړه

بلخ کې د اسلامي امارت چارواکو پرون دوشنبه ویلي، چې د قزاقستان بشري مرسته د حیرتانو بندر ته رسیدلې.

بلخ کې طبیعي پېښو ته د رسېدو چارو رییس عبداللطیف حقاني ویلي، چې په وررسېدلو مرستو کې اوړه هم شامل دي.

حقاني ویلي، دا مرستې به په اړمنو خلکو ووېشل شي.

عبداللطیف حقاني زیاته کړې:"د قزاقستان له ولسمشر او خلکو نه ډېره مننه کوو چې په دې سختو شرایطو کې یې د افغانستان خلکو سره مرسته وکړه."

حیرتانو کې مسوولین وایي، د قزاقستان مرسته رارسېدلې، چې ۷۰ کانتینرو کې اوړه دي، چې په هر کانتینر کې له ۵۴ تر ۶۸ ټنه پورې اوړه دي.

حیرتانو کې د بندري خدمتونو رییس عبدالودود قانع ویلي، بې‌وزلو سره دا بشري مرسته ښه اغېز کولی شي.

ښاغلي قانع ویلي:"په رارسېدلیو کانتینرونو کې موجود اوړه راښکته کړای شوي دي."

افغانستان ته د قزاقستان مرسته داسې مهال رارسېدلې، چې د تېرې یکشنبې په ورځ د قزاقستان د ولسمشر ځانګړي استازي کابل کې د اسلامي امارت چارواکو سره په سوداګریزو اړیکو او اقتصادی همکاریو خبرې وکړې.

په هغه ورځ د قزاقستان د ولسمشر ځانګړي استازي وویل، چې هېواد یې افغانستان سره د پینځه زره ټنو اوړو مرسته کوي.

 

 

قزاقستان له افغانستان سره د څه باندې ۴ زره ټنو اوړو مرسته وکړه

د بلخ سیمه‌ییز چارواکي وایي، چې افغانستان سره د قزاقستان بشري مرستو کې څه باندې ۴ زره ټنه اوړه هم شامل دي.

تصویر بندانگشتی

بلخ کې د اسلامي امارت چارواکو پرون دوشنبه ویلي، چې د قزاقستان بشري مرسته د حیرتانو بندر ته رسیدلې.

بلخ کې طبیعي پېښو ته د رسېدو چارو رییس عبداللطیف حقاني ویلي، چې په وررسېدلو مرستو کې اوړه هم شامل دي.

حقاني ویلي، دا مرستې به په اړمنو خلکو ووېشل شي.

عبداللطیف حقاني زیاته کړې:"د قزاقستان له ولسمشر او خلکو نه ډېره مننه کوو چې په دې سختو شرایطو کې یې د افغانستان خلکو سره مرسته وکړه."

حیرتانو کې مسوولین وایي، د قزاقستان مرسته رارسېدلې، چې ۷۰ کانتینرو کې اوړه دي، چې په هر کانتینر کې له ۵۴ تر ۶۸ ټنه پورې اوړه دي.

حیرتانو کې د بندري خدمتونو رییس عبدالودود قانع ویلي، بې‌وزلو سره دا بشري مرسته ښه اغېز کولی شي.

ښاغلي قانع ویلي:"په رارسېدلیو کانتینرونو کې موجود اوړه راښکته کړای شوي دي."

افغانستان ته د قزاقستان مرسته داسې مهال رارسېدلې، چې د تېرې یکشنبې په ورځ د قزاقستان د ولسمشر ځانګړي استازي کابل کې د اسلامي امارت چارواکو سره په سوداګریزو اړیکو او اقتصادی همکاریو خبرې وکړې.

په هغه ورځ د قزاقستان د ولسمشر ځانګړي استازي وویل، چې هېواد یې افغانستان سره د پینځه زره ټنو اوړو مرسته کوي.

 

 

شریک یي کړئ

په دې اړه مو اندونه