د برتانیې د پوځ پخوانی لوی درستیز نیک کارتر په افغانستان کې له سرپرست حکومت سره خبرې اترې یوه اړتیا ګڼي او وايي که چېرې اسلامي امارت د یوه ټول ګډونه حکومت جوړېدو ته غاړه کې نه ږدي او بشري حقونه مراعات کړي، د نړۍوالې ټولنې له خوا د رسمیت پېژندلو موکه شتون لري.
ښاغلي کارټر له طلوع نیوز سره په یوه ځانګړې مرکه کې د بن غونډې ته د طالبانو نه بلنه یوه ښکاره نیمګړتیا ګڼي.
ښاغلي کارټر وویل:«تعامل په دې مانا دی چې د طالبانو منځ لاري عناصر وهڅوو ترڅو بل ډول فکر وکړي او دا چې څه ډول کولای شي یو ټول ګډونه حکومت جوړ کړي او داسې حکومت چې تلپاتې او د اتکل وړ وي، په دې مانا هغه افغانان چې غواړي د عادي ژوند کولو وس ولري، له دې امله دا مهمه ده چې تعامل وشي او دا تعامل باید په ځیرتیا سره وي او په ښکاره دوی او د دوی چلن چې د یوناما به راپور کې ورته اشاره شوې ووینو، (وې څېړو) په رسمیت یې وپېژنو او فکر کوم چې دا به د افغانستان لپاره یو ښه فرصت وي که داسې ونه شي بل ډول به وي.»
د برېټانیا دغه پخوانی چارواکی باور لري، که طالبان ټولګډون حکومت ته غاړه کېږدي او د بشري حقونو په تېره بیا ښځو د حقونو مسایل رعایت کړي، د نړیوالې ټولنې له خوا د دوی په رسمیت پېژندلو فرصت موجود دی.
د بریتانیا د پوځ پخوانی لوی درستیز زیاتوي:«دوی دې د افغانانو لپاره ټولګډونه حکومت وکړي او په پایله کې یې دا فرصت شته، یو شمېر هغه افغانان چې تېر کال له هېواده وتلي ښايي بېرته هېواد ته راستانه شي. دوهم: مهمه دا ده چې د دوی حکومت لږ د اټکل وړ نه وي، لږ خپلسری وي ترڅو افغانان ټول په واقعي توګه پوه شي چې چېرته دي، اړتیا ده چې پر آزادۍ برید ودروي او د ښځو او نجونو حقونو ته بېرته درناوی وکړي او نجونو وکولای شي ښوونځي ته ولاړې شي او له وړتیاوو یې له خلکو د ملاتړ لپاره کار واخیستل شي. ویلای شم که دا موردونه په بشپړ ډول رعایت شي، د نړیوالې ټولنې له خوا د طالبانو په رسمیت پېژندلو فرصت موجود دی، باید ووایم چې یو حکومت منفور وي لکه څنګه چې له ۲۰۰۱ کال څخه مخکې و او دا به د هېچا په ګټه نه وي.»
هغه په ۲۰۰۱ کال کې د بن په ناسته کې طالبانو ته د بلنې نه ورکول یوه ښکاره تېروتنه بولي:«د بن له کنفرانسه د طالبانو بې برخې کېدل او له دوی سره د خبرو نه دوام چې د یوه ټولګډونه حکومت د جوړېدو لامل کېده، څرګنده تېروتنه وه.»
د اسلامي امارت له بیاځلې واکمنېدو د څه د پاسه یو کال په تېرېدو سره تراوسه هېڅ هېواد دا حکومت په رسمیت نه دی پېژندلی.
په دې اړه مو اندونه