په کابل کې د ترکیې سفیر د کورنیو چارو وزارت له سرپرست سراج الدین حقاني سره په لیدنه کې ویلي چې په نږدې راتلوونکي کې به په اسټانبول ښار کې د افغانستان په تړاو غونډه جوړه شي.
د کورنیو چارو وزارت په خبرپاڼه کې لیکلي چې په کابل کې د ترکیې سفیر جهاد ارګینای ډاډ ورکړ هڅه کوي چې په نږدې راتلونکي کې په استانبول کې له افغانستان سره د مرستندویه هېوادونو غونډه ترسره شي.
جهاد ارګینای زیاته کړې، چې هېواد یې هڅه کوي د افغانستان او نړۍوالې ټولنې ترمنځ تعامل زیات شي.
د کورنیو چارو وزارت ویاند عبدالمتین قانع وویل:«د ترکیې سفیر د دې په څرګندولو سره چې مرستندویه هېوادونه په نږدې راتلوونکي کې له افغانستان سره به د مرستې په موخه یوه غونډه جوړه کړي، ژمنه وکړه هڅه کوي چې په دغې ناسته کې د ګډون کوونکو پاملرنه جذب کړي چې خپلې بشرپاله مرستې د افغانستان د پراختیا لپاره زیاتې کړي.»
د چارو ځينې شنوونکي بیا د کابل او نړۍ ترمنځ د اړیکو په رغېدو او ښه والي کې د ترکیې رول مهم ګڼي.
د نړۍوالو اړیکو کارپوه واحد فقیري په دې هکله څرګندوي:«ترکیه کولای شي د طالبانو او نړۍ ترمنځ یو پل شي او د اسلامي امارت او نړۍ ترمنځ یوه ډپيلوماټيکه اړیکه ټينکه کړي.»
کابل کې د ترکیې سفیر همدا راز زیاته کړې چې ترکیه به هڅه وکړي چې د استانبول په راتلونکې غونډه کې ګډون کوونکي هېوادونه پر دې قانع کړي چې له افغانستان سره بشري مرستې پر پراختیايي مرستو بدلې کړي.
په دې اړه مو اندونه