د بلخ ولایت د ترافیکو مدیر، اسدالله اسد په دې ولایت کې د موټر چلولو زدهکړې ته د ښځو لېوالتیا زیاته شوې ده او په څلورو وروستیو میاشتو کې ۱۵۰ ښځو جوازونه ترلاسه کړي دي.
دی زیاتوي:«د مرغومي میاشتې را په دېخوا ۲۱۰مېرمنو د موټر چلولو جواز ترلاسه کولو لپاره مراجعه کړې ده چې وروسته له امتحان څخه ۱۵۰ کسانو د موټرچلولو جوازونه ترلاسه کړل.»
په همدې حال کې هغو مېرمنو چې موټر چلول یې زدهکړي، وايي هڅه کوي تر څو په ټولنه کې د ښځو موټر چلول بنسټيز کړي.
پروانه هغه مېرمن ده چې موټر چلول یې زده کړي دي وايي:«په مزارشریف ښار کې که یوه ښځه موټر چلوي او د تکسي چلوونکو لخوا زورول کېږي.»
رخسار حیدري بله مېرمن ده چې موټر چلول یې زده کړي دي او د بلخ له پوهنتون څخه فارغه ده، دا یو ماشوم لري او مېړه یې تشویق کړې تر څو موټر چلول زده کړي.
رخسار څرګندوي:«همدا چې مېرمنې د نارینهو ترڅنګ دریږي او موټر چلوي او جرئت کوي، دا زما په نظر یو ښه موکه ده.»
سره له دې چې ښځې ورته برابرو شویو موکو خوشاله دي، خو وايي چې لا هم یو شمېر ستونزې شته چې ورسره مبارزه وشي.
دښځو د حقونو فعاله، پلوشه پیوندي زیاتوي:«لا هم یو شمېر ستونزې شته، یو شمېر مېرمنې غواړي چې راشي او موټر زدهکړي، خو بیا هم یو شمېر ستونزې شته چې کورنیو لخوا يي ممانعت شده.»
موټر چلول یو مهم مهارت شمېرل کېږي