د عامې روغتیا وزارت د مالوماتو له مخې چې تېره شپه ورځ کې د هېواد په کچه د کرونا ویروس ۲۱۳ مثبتې پېښې ثبت شوې دي.
د شمېرو له مخې چې نن(سې شنبې د لړم په ۲۷مه نېټه) له رسنیو سره شریک شوي، ښیې چې تازه پېښې د ۱۱۹۴ کتل شویو مشکوکو نښو پایله ده.
په همدې حال کې تېرو ۲۴ ساعتونو کې د کوویډ۱۹ ناروغۍ له کبله ۶ ناروغان مړه شوي هم دي او ۲۴ تنه روغ شوي دي.
د یادولو ده چې تازه پېښې ۵۳ کابل، ۵۱ هرات، ۱۰ بلخ، ۲۱ ننګرهار، ۲۳ تخار، ۱ کندز، ۳ بادغیس، ۱ وردګو، ۸ لغمان، ۲ فراه، ۳ زابل او ۸ ارزګان ولایتونو کې ثبت شوې دي.
د دې ترڅنګ د ۶ مړو شویو ناروغانو له ډلې ۲ کابل، ۲ هرات او یو یو هم په کندهار او ننګرهار ولایتونو کې دي.
له تازه پېښو سره هېواد کې د کرونا ویروس د ټولو مثبتو پېښو شمېر ۴۳ زره او ۶۸۱ ته ورسید چې له ډلې یې ۶۸۳۰ یې فعالې دي.