د افغانستان له ۱۹ کلنو کمعمره فوټسال لوبډلې تېره ورځ د مرکزي اسیا اتلوالیو سیالیو په دویمه لوبه کې د کوربه هېواد قرغزستان لوبډلې ته ماته ورکړه.
په دې سیالۍ کې چې د قرغزستان په پلازمېنه بشکېک کې تر سره شوه، د افغانستان لوبډلې وکولای شول سیالۍ لوبډلې ته ۵-۳ ګولونو په توپیر سره ماته ورکړي.
له دې وړاندې د افغانستان لوبډلې له ایران سره په لومړۍ سیالۍ کې ماته منلې وه.
ټاکل شوې ده چې د افغانستان لوبډله سبا (سهشنبه) د تاجکستان لوبډلې پر وړاندې د سیالۍ ډګر ته ښکته شي.