د ملګرو ملتونو عمومي مجمعې پرون جمعه د غبرګولي په ۲۸ مه، یو ځل بیا، اوسنی سرمنشي او پرتګالی سیاستوال انتونیو ګوترش بیاځلې د ملګرو ملتونو سرمنشي کړ.
ګوترش دغې څوکۍ ته د امنیت شورا یوازینی وړاندیز شوی نوماند وو او عمومې مجمعې هم پرته له ځنډه، بیاځلې سرمنشي کړ.
ښاغلی ګوترش په ۲۰۱۷ کال کې، د ملګرو ملتونو سرمنشي شو او دې اوسني انتخاب سره د پینځو نورو کلونو لپاره سرمنشي شو.
د ملګرو ملتونو د سرمنشي په توګه انتوني ګوترش، د چین او لوېدیځ ترمنځ لانجه، د اقلیم او چاپیریال ساتنې ننګونې، کورونا، د کډوالۍ ستونزې او ځینو نورور ننګونو سره مخامخ دی.