شهروندان تاجیکستان امروز یک شنبه در انتخابات ریاست جمهوری این کشور رأی می دهند.
انتظار می رود که امام علی رحمان، که برای بیست و هشت سال قدرت را به دست داشته است، برای یک دوره هفت ساله دیگر، رییس جمهور تاجیکستان شود.
او با چهار نامزد دیگر رو به رو است که به گزارش برخی از رسانه‌ها، نامزدی شان تنها بهانه‌یی برای به قدرت رسیدن امام علی رحمان است.
او که شصت و هشت سال عمر دارد، در سال ۲۰۱۶ میلادی، با تعدیل قانون اساسی، محدودیت‌های دورۀ ریاست جمهوری را برداشت.
کمیسیون مرکزی انتخابات و همه پرسی تاجیکستان اعلام کرده است که نزدیک به پنج میلیون نفر واجد شرایط رأی در این کشور ثبت نام شده‌اند.
رستم لطیف‌‌‌زاده، نامزد حزب کشاورزی، عبدالحلیم غفاراف، نامزد حزب سوسیالیست، رستم رحمت‌زاده، نامزد حزب اصلاحات اقتصادی، معراج عبدالله‌‌اف، نامزد حزب کمونیست تاجیکستان و امامعلی رحمان، نامزد حزب خلقی دموکراتی و رییس جمهور این کشور امروز در انتخابات ریاست جمهوری رقابت می‌کنند.
قرار است نتایج اولیه شمارش آرا ۲۴ ساعت پس از پایان رأی‌گیری اعلام شود.