زابل کې د سړک غاړې ماین چاودنې له کبله د برېښنا شرکت پنځه کارکوونکي ووژل شول او یو ټپي شوی دی.
د زابل د والی ویاند، ګل اسلام سیال وايي پېښه نن(پنج شنبې د مرغومې په ۲۶مه نېټه) د زابل ولایت د شهری صفا ولسوالی اړوند د اخوند صاحب د زیارت په سیمه کي د بریښنا شرکت د کار کوونکو پر یو ټونس موټر شوې ده.
د سړک غاړي ماین چاودنه شوې او د یاد شرکت پنځه کارکوونکي وژل شوي دي.
برېښنا شرکت هم پېښه تایید کړې ده.
تر اوسه نه ده څرګنده چې ماین د چا لخوا ځای پر ځای شوی وو.
طالبانو هم تر اوسه په دې اړه څه نه دي ویلي.