وروستي خبرونه
Thumbnail
د ۹۸ ټاکنې

ځينو ټاکنیزو ډلو ۹ ولایتونو کې د رایو بیا شمېرلو بهیر مخنیوی وکړ

 

د ثبات او همپالنې او ځينو نورو ټاکنیزو ډلو د هېواد په نهو ولایتونو کې د رایو بیا شمېرلو بهیر مخنیوی وکړ او په څو شمالي او شمال ختیځو ولایتونو کې یې د ټاکنو کمېسیون دفترونه تړلي دي.

په بدخشان ولایت کې د رایو د بیا شمېرلو بهیر په وړاندې اعتراض کوونکو د ټاکنو پر سیمه ییز دفتر برید وکړ. د دغو اعتراضونو د کابو کولو لپاره سیمې ته لازیات پوځیان رسېدلي دي.

 لاریون کوونکی عبدالعزیز نورِي په دې اړه وویل:«په هغه صورت کې چې کمېسیون د خلکو مشروع غوښتنه په پام کې ونه نیسي، خلک به خپلو مدني حرکتونو ته چې مشروع حق یې دی دوام ورکړي.»

د ثبات او همپالنې ټاکنیزه ډله وايي د دغې ټاکنیزې ډلې پلویانو په بدخشان، تخار، کندز، بغلان، سمنګان، سرپل، جوزجان او فارياب ولایتونو کې د ټاکنو دفترونه تړلي دي.

په همدې حال کې د ګلبدین حکمتیار په مشرۍ د سولې او اسلامي عدالت ټاکنیزه ډله وايي د کمېسیون دا کړنه به خطرناکه او وېرونکی کړکېچ رامنځته کړي.

د ګلبدین حکمتیار د ټاکنیزې ډلې د څارونکو مسوول همایون جریر په دې اړه وویل:«د کمېسیون دا اقدام له دقت پرته شوی او موږ یوه وېرونکي کړکېچ ته یو ګام نږدې کوي.»

خو د ټاکنو خپلواک کمېسیون یوازې د هېواد په پنځو شمالي ولایتونو کې د رایو د بیا شمېرلو نه پيلېدل مني.

د ټاکنو د خپلواک کمېسیون غړی اورنګزېب څرګندوي:«تخنیکي ډلو ته دنده ورکړل شوې څو تحلیل او شننه وکړي او په یوه رسمي مکتوب کې له هغوی سره شریک شي.»

د ټاکنو خپلواک کمېسیون وايي تراوسه په دوولسو ولایتونو کې د رایو د بیا شمېرلو بهیر پای ته رسېدلی او په څو نورو ولایتونو کې دا بهیر روان دی.

د ټاکنو د خپلواک کمېسیون د دارالانشا رییس حبیب الرحمان ننګ وايي:«که چېرې مزاحمتونه شتون ولري زموږ همکاران د اوونۍ تر پایه به دا بهیر ختم کړي.»

د ټاکنو خپلواک کمېسیون د تېرې اوونۍ د شنبې په ورځ د رایو له ۲۶ زره محلونو څخه د ۸ زره او ۲۵۵ محلونو د رایو بیا شمېرل پیل کړل خو یو شمېر ټاکنیزې ډلې وايي کمېسیون د دوی د شکایتونو له څېړلو پرته دا بهیر پيل کړی دی. 

 

د ۹۸ ټاکنې

ځينو ټاکنیزو ډلو ۹ ولایتونو کې د رایو بیا شمېرلو بهیر مخنیوی وکړ

له دې ډلې اعتراض کوونکي په بدخشان کې په زور د ټاکنو خپلواک کمېسیون سیمه ییز دفتر ته ننوتلي او د دغه بهیر مخنیوی یې کړی دی.

Thumbnail

 

د ثبات او همپالنې او ځينو نورو ټاکنیزو ډلو د هېواد په نهو ولایتونو کې د رایو بیا شمېرلو بهیر مخنیوی وکړ او په څو شمالي او شمال ختیځو ولایتونو کې یې د ټاکنو کمېسیون دفترونه تړلي دي.

په بدخشان ولایت کې د رایو د بیا شمېرلو بهیر په وړاندې اعتراض کوونکو د ټاکنو پر سیمه ییز دفتر برید وکړ. د دغو اعتراضونو د کابو کولو لپاره سیمې ته لازیات پوځیان رسېدلي دي.

 لاریون کوونکی عبدالعزیز نورِي په دې اړه وویل:«په هغه صورت کې چې کمېسیون د خلکو مشروع غوښتنه په پام کې ونه نیسي، خلک به خپلو مدني حرکتونو ته چې مشروع حق یې دی دوام ورکړي.»

د ثبات او همپالنې ټاکنیزه ډله وايي د دغې ټاکنیزې ډلې پلویانو په بدخشان، تخار، کندز، بغلان، سمنګان، سرپل، جوزجان او فارياب ولایتونو کې د ټاکنو دفترونه تړلي دي.

په همدې حال کې د ګلبدین حکمتیار په مشرۍ د سولې او اسلامي عدالت ټاکنیزه ډله وايي د کمېسیون دا کړنه به خطرناکه او وېرونکی کړکېچ رامنځته کړي.

د ګلبدین حکمتیار د ټاکنیزې ډلې د څارونکو مسوول همایون جریر په دې اړه وویل:«د کمېسیون دا اقدام له دقت پرته شوی او موږ یوه وېرونکي کړکېچ ته یو ګام نږدې کوي.»

خو د ټاکنو خپلواک کمېسیون یوازې د هېواد په پنځو شمالي ولایتونو کې د رایو د بیا شمېرلو نه پيلېدل مني.

د ټاکنو د خپلواک کمېسیون غړی اورنګزېب څرګندوي:«تخنیکي ډلو ته دنده ورکړل شوې څو تحلیل او شننه وکړي او په یوه رسمي مکتوب کې له هغوی سره شریک شي.»

د ټاکنو خپلواک کمېسیون وايي تراوسه په دوولسو ولایتونو کې د رایو د بیا شمېرلو بهیر پای ته رسېدلی او په څو نورو ولایتونو کې دا بهیر روان دی.

د ټاکنو د خپلواک کمېسیون د دارالانشا رییس حبیب الرحمان ننګ وايي:«که چېرې مزاحمتونه شتون ولري زموږ همکاران د اوونۍ تر پایه به دا بهیر ختم کړي.»

د ټاکنو خپلواک کمېسیون د تېرې اوونۍ د شنبې په ورځ د رایو له ۲۶ زره محلونو څخه د ۸ زره او ۲۵۵ محلونو د رایو بیا شمېرل پیل کړل خو یو شمېر ټاکنیزې ډلې وايي کمېسیون د دوی د شکایتونو له څېړلو پرته دا بهیر پيل کړی دی. 

 

شریک یي کړئ