د پروان ولایت د کووېډ نولس روغتون مسوولان وايي، په کورونا ویروس د اخته کسانو شمېر اوویا سلنه ډېر شوی چې له دې سره دوی د بسترونو او امکاناتو له کمښت سره مخ شوي دي.
د دوی په وینا، په تېره یوه میاشت کې په دې روغتون کې د دې ناروغۍ کابو زر مثبتې پېښې ثبت شوې دي.
د پروان د کووېډ نولس روغتون مسوول عبدالحمید عالمي ژکفر وايي: «له مشکوکو کسانو مو ۲۳۰۰ کسان د نمونې په شکل معاینه کړل چې نزدې زر مثبتې پېښې مو درلودې. دا یو لوړ ګراف ښيي، دا د پروان ولایت په کچه یوه اندېښنه ده.»
له بلې خوا، یو شمېر ډاکتران د دې ناروغۍ په اړه د اندېښنې په څرګندولو سره وایي، هېوادوال باید په کورونا ویروس د اخته کېدو د مخنیوي په موخه د دې ویروس پر وړاندې واکسین تطبیق کړي.
ډاکټر حشمتالله دانشیار وايي: «هغه کسان چې له واکسین اخیستلو وروسته کرونا نیولي وو، د ناروغۍ شدت یې دومره نه وو چې له مرګ ګواښ سره شي.»
ډاکتره لیلا اچکزۍ وايي:«د ښځو د څانګې کارکوونکې ټولې ښځې دي او په نارینهوو کې ټول نارینه ډاکتران دي.»
ورته مهال هغه ناروغان چې د دې ولایت له ولسوالیو او مرکزه پهدې روغتون کې بستر دي، وایي، له درملنې وروسته یې روغتیايي وضعیت په ښه کېدو دی.
ناروغه پروانه وايي: «ټوخېږم او ستونی مې ډېر درد کوي او ډېره په عذاب یم وروسته له درې ورځو دلته راغلم.»
ناروغ عبدالفهیم وايي:«ټوخېږم او ستونۍ مې خارښت کوي، بله کوم جدي ستونزه نهلرم او ډاکتران مرسته کوي.»
د مسوولانو د شمېرو له مخې، په پروان ولایت کې د کورونا ویروس له لومړي پړاو خپرېدو راهیسې، څلور زره او ۵۷۹ تنه پهدې ویروس اخته شوي چې له دې جملې ۹۲ تنه یې مړه شوي دي.
په دې اړه مو اندونه