د خوست ولایت امنیه قومندان، سیداحمد بابازي د سرک ک غاړي ماین چاودنې له کبله ژوند له لاسه ورکړ.
د کورنیو چارو وزارت ویاند، طارق ارین نن(جمعه د غويي په ۱۹مه نېټه) وايي چې ښاغلی بابازی تېره شپه د خوست ولایت نادرشاه کوټ ولسوالۍ ته د پوځي عملیاتو په موخه روان وو چې کاروان یې د سرک غاړې له ماین سره برابر شوی دی.
په همدې حال کې د خوست والي، محمدحلیم فدايي هم په یوه ټویټ کې ویلي دي چې د امنیه قومندان ترڅنګ د هغه سکرتر او یوه افغان سرتېرۍ هم وژل شوي.
نوموړي زیاته کړې چې دغه پېښه کې یو سرتېری ټپي شوی دی.
ښاغلي فدايي څرګنده کړې:« متاسفانه د خوست امنیه قوماندان مل پاسوال سید احمد بابازی، دده سکرتر صافي، یوه سرتېري د دوښمن چې د سولې ددروغو چیغې وهي، د ماین چاودنې له کبله په شهادت ورسېده او یو بل سرتېری ټپي دی.»