د فراه والي محمد عارف شاهجهان نن پنجشنبې (د سلواغې په ۵ مه) وايي چې په دغه ولایت کې د ناامنیو د زیاتوالي او په دغه ولایت کې د ناامنیو د زیاتوالي له امله د فراه د اوسېدونکو په دوه ډلې وېشلو له امله خپلې دندې استعفا کړې ده.
هغه له مرکزي حکومت څخه غوښتي ترڅو یو بل څوک چې وکړای شي په فراه کې اوسنۍ ستونزې کابو کړي د والي په توګه وګماري.
دا په داسې حال کې ده چې د فراه ولایت د مرکز د ځينو اوسېدونکو لاریون تېره ورځ له تاوتریخوالي سره مخ شو.
ځينې لاریون کوونکي وايي هغوی غواړي چې له کابل راغلي پلاوي سره وویني چې د دغه ولایت د امنیتي وضعیت د څېړلو لپاره راغلی دی، خو پولیسو پر هغوی مخنيوي لپاره پر هغوی ډزې کړي دي.
د هغوی په وینا، په دغو نښتو کې شپږ تنه لاریون کوونکي ټپيان شوي، خو د فراه امنیتي چارواکي د دې پخلی نه کوي.
له دې وړاندې د فراه ولایت امینتي وضعیت په ارګ کې هم ارزول شوی وه.
د هېواد دفاعي او امنیتي چارواکي او همدارنګه د سیمهییزو ارګانونو خپلواکه ادارې د دغه ولایت د امنیتي وضعیت په اړه، ولسمشر ته رپوټ ورکړی دی.
د دغې غونډې ګډون کوونکي د فراه ولایت د امنیتي وضعیت پر ښهوالي ټینګار کوي.
د فراه ولایت مرستیال والي وايي چې یوې نېمې وروستۍ میاشت کې امنیتي ځواکونو ته بې مخینې مرګ ژوبله اوښتې ده او طالبان توانېدلي چې ځان د فراه ښار شاوخوا ته راورسوي.
هغه وویل :«دمګړۍ، امنیتي ځواکونه د ترهګرو د ځپلو لپاره هېڅ ډول خوځښت نهلري او زموږ د ځواکونو دفاعي حالت هم په بشپړه توګه نیمګړی دی؛ یوازې په تېرې یوې اوونۍ کې، څه باندې ۵۰ امنیتي ځواکونه وژل شوي دي.»
له دې سره جوخت، د فراه ولایت ځينې اوسېدونکي او د ولایتي شورا غړي وايي چې طالبان د فراه ښار ځينو برخو ته راننوتلي دي او امنیتي چارواکي په هڅه کې دي ترڅو امنیت تامین کړي.
ویل کېږي دمګړۍ طالبان د فراه ښار په شمالي سیمه «ګینکان» کې ځای پر ځای شوي دي او دغه کار د دغه ولایت اوسېدونکي سخت اندېښمن کړي دي.