وروسته له دې چې اسپانیا کې د تګ راتګ بندیز پایته ورسید، د دغه هېواد په عمومي ځایونو کې د ماسک اغوستل جبري شوي دي.
د اسپانیا روغتیا وزارت ویلي دي چې هغو سیمو کې چې د وګړو ترمنځ د دوه مترۍ واټن ممکن نه وي، باید ټول خلک ماسک وکاروي.
دغه وزارت ویلي دي:«د ماسک استفاده تر هغې چې دغه ویروس ته مو ماته نه وي ورکړې، دوام لري.»
په همدې حال کې د اسپانیا د عامې روغتیا وزارت څرګنده کړې ټول هغه کسان چې عمر یې له شپږو کالو لوړ دی، اړتیا ته چې ماسک وکاروي.
ویل کیږي هغه کسان چې تنفسي ستونزې لري او یا له ماسک سره اساس دي له دې امره استثنا ګڼل کیږي.
تر اوسه دغه هېواد کې د کرونا ویروس له کبله ۲۷ زره کسان مړه شوي او له ۲۴۱ زره نور پرې اخته شوي دي.