د ننګرهار په اچین ولسوالۍ کې د امریکا متحده ایالاتو له خوا د ستر نااټومي بم په پایله کې د مړینې شمېر ۹۴ تنو ته ورسېد.
د ننګرهار پولیس وايي چې د داعش د خراسان څانګې د مشر حافظ سعید ورور او د دغې ډلې څو تنه نور قومندانان د وژل شویو په منځ کې دي.
تراوسه چا ته اجازه نه ده ورکړل شوې چې د غورځول شوي بم سیمې ته ولاړ شي.
خو د طلوع نیوز خبریال کریم امیني د داعش ډلې هغه پټنځایونه چې د امنیتي ځواکونو د څو وروستیو اوونیو عملیاتو په پایله کې له منځه تللي دي له نېږدې لیدلي او وايي چې تراوسه په دغې سیمه کې د داعشیانو د حاکمیت وېره خوره ده.